ВРЕМЕНСКА ПРОГНОЗА: Сончевo, со слаб до умерен северен ветер – од понеделник затоплување

Во Македонија денеска претпладне ќе биде сончево со слаб до умерен северен ветер. Попладне во северните делови од државата се очекува наоблачување, а долж Повардарието ќе има поизразаен северен ветер.

Утринската температура ќе се движи од минус три до пет, а дневната од 15 до 22 степени.

Во Скопје претпладне ќе биде сончево, а попладне со мала до умерена облачност. Преку денот ќе дува слаб до умерен северен ветер. Утринската температура ќе се спушти до еден, а дневната до 18 степени.

Според Управата за хидрометеролошки работи, продолжува период на стабилно, суво и претежно сончево време. Од понеделник под влијание на потопла воздушна маса во пораст ќе бидат и дневните температури.