Времето денес: Сончево и топло – од понеделник температурата ќе се искачи над 40 степени!

Времето во Македонија ќе биде сончево и топло со мала до умерена облачност. Попладне ќе има локална појава на пороен дожд и грмежи. 

Повремено ќе дува умерен ветер од северен правец, особено долж Повардарието. УВ индексот ќе изнесува 8. Температурата ќе се движи од 24 до 37 степени.

Во Скопје ќе биде сончево и топло со мала до умерена облачност. Попладне ќе има локална појава на пороен дожд и грмежи. Ќе дува умерен ветер од северен правец. Утринската температура ќе се движи околу 20, а дневната ќе достигне до 35 степени.

Во текот на следната недела под влијание на многу топла и сува воздушна маса ќе преовладува сончево и уште потопло време со температури на повеќе места над 35, а долж Повардарието и над 40 степени.