ВРЕМЕТО ДЕНЕС: Сончево со мала до умерена облачност

Времето во Македонија ќе биде сончево со мала до умерена облачност. Попладне особено во западните делови облачноста ќе се зголемува. Ќе дува слаб до умерен претежно јужен ветер.

Утринската температура се движеше од 0 во Берово, 1 Претор и Битола, 2 Крива Паланка, Тетово, Струмица и Лазарополе, 3 Охрид и Прилеп, 4 Штип, Крушево, Скопје, Куманово и Маврово, 5 Демир Капија, Дебар, Виница и Пожаране, 6 Дојран, Тополчани и Ѓуриште, до 7 степени во Гевгелија. Дневната температура ќе се движи од 11 до 19 степени.

Во Скопје слично време, сончево со мала до умерена облачност и со слаб до умерен јужен ветер. Утринската температура ќе се спушти до три, а дневната ќе се искачи до 18 степени.

Во среда од претпладне ќе дува повремено засилен јужен ветер поизразен во западните делови од земјата, а потоа од запад брзо ќе премине влажна и постудена воздушна маса, од која ќе има повремени врнежи од дожд понекаде и со умерен интензитет. Локално и особено на запад ќе наврнат околу 15 литри на квадратен метар. На високите планини врнежите ќе се од снег. Во попладневните часови ќе започне да дува северозападен ветер кој исто така повремено ќе засилува особено вдолж Повардарието. Дневната температура ќе опадне за 3 до 5 степени.

И во Скопскиот регион во среда најпрвин ќе дува повремено засилен јужен ветер, а од средината на денот ќе започнат врнежи од дожд повремено со умерен интензитет. Овие врнежи ќе завршуваат до крајот на денот, а попладне ќе започне да дува северен и постуден, повремено засилен северен ветер.

До крајот на работната недела ќе преовладува сончево време, а ќе преовладува променливо облачно време со сончеви периоди, со благ пораст на дневните температури.