Загадениот воздух е еднаков на испушени седум цигари дневно

Енормно загадениот воздух во нашата република кој и по неколку пати ги надминува границите на загаденост со ПМ10 честички, може да се спореди со пушење цигари.

Сите кои дишеме загаден воздух, исто како да пушиме по неколку цигари дневно.

– „Без разлика дали сме пушачи, дишејќи го загадениот воздух во делови од земјава ни следуваат по седум цигари дневно“, изјави вчера Борис Секирарски, метеоролог при Управата за хидрометеоролошки работи на трибината „Заштита на амбиенталниот воздух во Општина Куманово“.

Скопје вчера беше 18 најзагаден град во светот, и скоро секој ден ако не во топ 10, тогаш е во топ 20 најзагадени во светот.